കനം

 ജീവിക്കാനുള്ള ത്വരയുടെ കനം.

പഠിച്ച് പാസായ പരീക്ഷകൾ വീടിന്റെ 

ഒരു ഭാഗത്ത് കനം കൊടുത്തു.

പഠിച്ച,പഠിപ്പിച്ച കടം

അച്ഛന്റെ കീശയുടെ കനം കെടുത്തി.

മനം മടുത്തവൻ തന്റെ കനം

ഉത്തരത്തിൽ അളന്നു.നല്ല കനം.

അളക്കാൻ അറിയാത്തവർ തെരുവിൽ ഇറങ്ങി.

കോട്ടമതിലിൽ കല്ലെറിഞ്ഞു 

കനം ഉള്ളവരെ കനം ഉള്ളവർ തച്ചു.

മുള ശുദ്ധരക്തം കുടിച്ചു.

രാജാവ് പുതിയ ചിത്രത്തിനായി ചമഞ്ഞിരുന്നു.

ജനം ഇടത്‌ വിരൽ പിന്നെയും മിനുക്കി.

കനം കനമായി തന്നെ നിന്നു 

നെറ്റിയിൽ, കവിളിൽ,നെഞ്ചിൽ.